မြို့မှာရှိတဲ့ ကလေးငယ်များ ဗဟုသုတရရှိစေရန်၊ စာပေဝါသနာပါပြီး စာအုပ်ငှားခမတတ်နိုင်သူမျုားကို ကူညီရန်၊ ရှားပါးစာအုပ်များကို စုစည်းရန်၊ စာပေဝါသနာရှင်များကို တနေရာတည်းမှာ စာအုပ်များကို တစ်စုတစ်စည်းတည်း ဖတ်နိုင်ရန် ဆိုတဲ့ရည်ရွယ်ချက်တွေနဲ့ ဒီစာကြည့်တိုက်လေးကို စာပေချစ်သူလူငယ်များက ဖွဲ့စည်း တည်ထောင်ခဲ့ကြပါတယ်။
ကျွန်တော်တို့မြို့မှာ စာအုပ်အငှားဆိုင် (၁၀)ဆိုင်လောက်နဲ့ ပြန်/ဆက် ဆိုတဲ့ အစိုးရစာကြည့်တိုက်တစ်ခုရှိပါတယ်။ ပြန်/ဆက်ဆိုတာကလည်း ဗဟုသုတရစရာတစ်ခုမှမပါပဲ ဝါဒဖြန့်ဌာနသက်သက်သာ ဖြစ်တာကြောင့် လူတော်တော်များများက သွားလိုစိတ်မရှိကြပါဘူး။ စာအုပ်အငှားဆိုင်ဆိုတာကလည်း အငှားသွက်လူငယ်ကြိုက်စာပေတွေသာ တင်တာကြောင့် သာမာန်ထက်ပိုပြီး စာဖတ်လိုတဲ့ စာပေဝါသနာရှင်များအတွက် တော်တော်ကိုဒုက္ခရောက်ကြရပါတယ်။ ဒါ့အပြင် စာကောင်းကောင်းဖတ်တဲ့သူတွေက မိမိတို့ရဲ့ စာအုပ်များကို ဝါသနာတူသူတွေဆီကို ဝေမျှချင်ကြပေမယ့် လူတိုင်းကိုလဲမငှားရဲကြဘူး။ ဒါကြောင့် ဒီအခက်အခဲတွေကို ကူညီမယ့် နေရာတစ်ခု လိုအပ်တယ်ထင်လို့ ဒီစာကြည့်တိုက်လေးကို တည်ဆောက်ခဲ့ကြပါတယ်။
ကျွန်တော်တို့ မြို့လေးဟာ ရခိုင်ပြည်နယ်ရဲ့ တောင်ဘက်အစွန်ဆုံးမှာ တည်ရှိပြီး ဧရာဝတီတိုင်းနဲ့ ရခိုင်ရိုးမခြားထားပါတယ်။ အဲဒီအတွက် သွားလာရခက်ခဲပြီး မြို့နေလူထုရဲ့ တဝက်လောက်ဟာ အောက်ခြေလူတန်းစားနဲ့ လူလတ်တန်းစားတွေများပါတယ်။ ဒီ့အတွက် စာဖတ်လိုသူတော်တော်များများဟာ စာအုပ်မငှားနိုင်ကြပါဘူး။ စာကြည့်တိုက်လေး တည်ထောင်ပြီးတဲ့နောက်မှာတော့ စာအုပ်မငှားနိုင်တဲ့သူတွေ
သာမက လူတန်းစားအားလုံးအတွက် အဆင်ပြေတဲ့ နေရာတစ်ခုဖြစ်လာပါတယ်။
ဒါ့အပြင် ကျောင်းသားနဲ့ ကလေးယ်တွေရဲ့ စာပေအပေါ်စိတ်ဝင်စားမှုဟာ ဖွင့်ပြီးတစ်လလောက်အတွင်းမှာတင် တော်တော်ကိုမြင့်တက်လာပါတယ်။ ခုံမလောက်လို့ ကြမ်းပြင်ပေါ်မှာတောင် ထိုင်ဖတ်ရတဲ့အထိပါပဲ။ ကျောင်းတက်ရက်မှာ မနက်စောစောလာပြီး စာဖတ်၊ ကျောင်းချိန်နီးရင် ကျောင်းသွား၊ နေ့လည်မုန်းစားဆင်းချိန် စာလာဖတ်နဲ့ စာပေထဲမှာနစ်မြောနေကြတာမြင်ရတာ အင်မတန်မှ ပီတိဖြစ်စရာကောင်းလှပါတယ်။ စာအုပ်ဝယ်ရင်တောင်မှ သုံးပုံနှစ်ပုံလောက်ကို ကလေးကြိုက်နဲ့ ပညာပေးစာအုပ်မျိုးတွေ ဝယ်ပေးရတဲ့ အထိပါပဲ။
ဒီစာကြည့်တိုက်လေးရဲ့နာမည်က ‘‘ ဘဝအားမာန် ကိုယ့်အားကိုယ်ကိုး စာကြည့်တိုက် ’’ ဖြစ်ပါတယ်။ ၂၀၀၆ ဒီဇင်ဘာ ၁၅ ရက်နေ့ကတင်ဖွင့်လှစ်ခဲ့ပြီး ယခုတိုလျှင် (၄)နှစ် ပြည့်တော့မှာဖြစ်ပါတယ်။ ဒါပေမယ့် နာမည်နဲ့လိုက်အောင်တော့ အားမာန်မရှိလှပါဘူး။ အထွေထွေလိုအပ်ချက်တွေရှိနေပါသေးတယ်။ စာကြည့်တိုက်ရဲ့ ဘဏ္ဍာရေးအခက်အခဲကြောင့် (၃)ခါလောက်ပိတ်ခဲ့ရပါတယ်။ စာအုပ်ဈေးမြင့်တက်လာတာကြောင့် ရတဲ့ရံပုံငွေနဲ့ စာအုပ်ဝယ်ရတာ ခက်ခဲလာပါတယ်။ စာကြည့်တိုက် အဆောက်အဦးကိုတောင်မှ ပြီးအောင်မဆောက်ပဲ စာအုပ်ဝယ်တဲ့ အထဲထည့်လိုက်ရပါတယ်။ ဒါကြောင့် မိမိတို့ကဲ့သို့ စာပေအပေါ်ဝါသနာသူများကို ကူညီနိုင်ရန် ကျွန်တော်တို့ ဘဝအားမာန်စာကြည့်တိုက်သို့ စာအုပ် (သို့မဟုတ်) အလှူငွေများကိုထည့်ဝင် လှူဒါန်းပေးကြပါရန် နှိူးဆော်လိုက်ခြင်းဖြစ်ပါတယ်။
စာကြည့်တိုက်လိပ်စာ
ဘဝအားမာန် ကိုယ့်အားကိုယ်ကိုး စာကြည့်တိုက်
ဗိုလ်ချုပ်လမ်း၊ မြို့မရပ်ကွက်
ဂွမြို့ ၊ ရခိုင်ပြည်နယ်။
ဆက်သွယ်လှူဒါန်းနိုင်သည့် သူများမှာ......
ဦးခင်မောင်ထွေး ဂွမြို့။ရခိုင်ပြည်နယ် (၀၉၄ ၉၆၇၂ ၃၃၃)
ကိုကျော်စိုးလင်း ကျိန္တလီမြို့။ရခိုင်ပြည်နယ်(၀၉၈ ၅၁၅၅ ၆၃)
ကိုစိုးမင်းအောင် စင်ကာပူ(၆၅ ၉၈၆၇ ၂၁၂၄)
ကိုမျိုးမင်းအောင် ဒူဘိုင်း (၀၅၅ ၄၅၃၅၆၄၅)
ကိုဇေယျာထွန်း စင်ကာပူ(၆၅ ၈၂၉၈၆၉၁၇)
ကိုရဲခေါင်ညွန့် စင်ကာပူ(၆၅ ၈၃၅၅ ၉၁၅၀)
ကိုဟိန်းမင်းဇော် ရန်ကုန် (၀၉၄ ၄၄၄၆ ၅၆၈)
ကိုကျော်ဘိုဘိုထွဋ် ကိုရီးယား(၈၂ ၀၁၀၅ ၈၀၈၉ ၉၂၀)
ကိုမျိုးမင်းဝင်း ရန်ကုန်(၀၉၈ ၃၀၂၀ ၉၁)
